Académie de la Langue Nationale Ewe
Miawoe zɔ va Eʋegbe Akademi ƒe Asaɖa le me !
                           AKADEMIA ŊUTINYA

Akademi nye ameƒoƒu, siwo bua tame alo kua nu me tsitotsito tso nu tɔxɛ aɖewo abe gbegblɔgblɔ, nuŋɔŋlɔ, nutata alo nunyawɔe bubu aɖewo ene ŋuti.
Woyɔ ŋkɔ « Akademi » zi gbɑ̃tɔ le ƒè 387 lia me, do ŋgɔ na Kristo dzidzi, hede dzesi dzɔdzɔmenunya deto srɔ̃ƒe alo filozofiasuku si nunyalagɑ̃ Plato ɖo le Atena la. Woyɔ sukua be « Plato ƒe akademi ».
Le ema yome la, akademiwo va do :
Giorgio Vasari ƒe nutata akademi le Italia (Yuropa le ƒè 1563 lia me),
Frɑ̃segbegbɔgblɔ ƒe akademi si nunyalagɑ̃ Ridhelieu do le ëƒè 1635 lia me,
Frɑ̃se Protestɑ̃te hameawo ƒe akademi enyiawo (le ƒè 1566-1620 liawo me).

                                EMENƆLAWO
Gake ame sia ame ate ŋu awɔ dɔ kple Akademi, nenye be amea lɔa nusɔsrɔ̃, numedzodzro, numekuku, numekpɔkpɔ tsitotsito, nudidi…la

                     EƲEGBE AKADEMI DZƆTSOƑE
Afɔɖeɖe gbɑ̃tɔwo
1847 : asi tɔtrɔ le Eʋegbea ŋɔŋlɔ ŋuti dze egɔme kple Bremen Mawunyakakadɔgbedeawo
1892 : Roma Katoliko Mawunyakakadɔgbedeawo va kpe asi de dzamamedɔdɔawo ŋuti hena gbea ŋuti dɔwɔwɔ
                          Akademi gɔmedzedze
Kele 15 lia, 1959 : Dziɖuɖu ɖoe be woafia degbe
Anyɔnya 8 lia, 1959 : Dudɔnunɔla Aƒetɔ Martin Sankaredza wɔ yɔyɔ na ame 12, be woabu tame le nu si woafia le gɔmedzesukuwo me degbe ŋuti
Adeamakpɔxe 2 lia, 1961 : wotia ame 20 be woawɔ dɔ tso « Eʋegbegɔmedzegbale””» ŋuti na sukuwo
Dame 17 lia, 1962 : DƆWƆHATSOTSO sia xɔ ŋkɔ be « EƲEGBE AKADEMI ». Eƒe dɔdeasie nye dɔwɔwɔ deto ku de eʋegbea ŋuti
Zimenɔla gbàtɔwo :
Fada Pierre KONDO (1962 – 1963)
Osɔfɔ Jadɔues Kofi ADZOMADA (1963 - 1983)
Nufiala Georges Kwasi FIAGA (1983 - 2009)
Le dzidudu gbɑ̃tɔ megbe la, degbeawo ŋudɔwɔwɔ mete ŋu yi edzi nyuie o. Emegbe boo la, dodo yeyewo va.
1975 : Togo dzidudua da asi de degbe eve, Eʋegbe kple Kabiyègbe, dzi hena wo fiafia le sukuwo me.
1977 : Dzidudua to Dudɔnunɔla Lassissi Dikeni Kerim dzi do Eʋegbeŋubuha anyi.
Tadodzinu na Eʋegbeŋubuhae nye be: « woato mɔ sia mɔ dzi be woate ŋu tu gbe sia do bena woàyi ŋgɔ le Togo ». Gbea fiafia, esɔsrɔ, enyanya, edodo kple eŋɔŋéŋlɔ nyuie le dukɔa me godoo … woàwɔ eƒe ŋutete de sia de bena nufialawo nadze eʋegbea fiafia le gɔmedzesukuwo ƒe klase gbàtɔ me tso ƒe 1977 lia ƒe anyɔnyɔ dzi xoxo.
Zi gede la, Akademi menɔlawo nyea nufialawo, mawununɔlawo, ame siwo doa vivi de gbea ŋuti, heʋlia eta. Ame siwo le eʋegbe akademi me egbe wonye ŋutsuwo kple nyɔnuwo.